Stjórn

Það vita allir að fsu er ekki vel þekkt fyrir félagslífið sitt en við viljum gera okkar besta svo allir geta notið þess að vera í þessum stóra og fjölbreytta skóla. Nemendaráð er kosið af nemendum skólans. Það er fulltrúi þeirra gagnvart skólayfirvöldum og aðilum utan skólans. Aðsetur þess er í stofu 7 í Iðu. Kosið er í embætti félagsins á hverju vori að undangengnum framboðum og kosningabaráttu. Á vegum félagsins starfa ýmsir klúbbar og ýmsir fastir liðir eru orðnir að hefð í skólalífinu svo sem söngkeppni, kátir dagar, Flóafár, Gettu betur og árshátíð.